من شعر الشعراء المعاصرين

الـتــاريــخ فـي مـيــدان الــتـحــريــر

إيهاب صلاح أبوجبل

فــي أول الأيـــــــــام .. مـن شـــــــهـــر فـــبــرايــر
والـشـعـب فـي الـتـحـريـر .. غـاضـب قـوي وثـايـر
لـقـيـت عــجـــــوز قـاعـد .. فـي جــنـب م الـمــيــــدان
قـاعـد فـي حـالـه مـقـهـور .. مـكـمـود حـزيـن زعـلان
مـالـك قـاعـد يـاجـدي .. مـقـهــور وزعـــلان لــيــه
قـولـلـي إنـت مـيـن يـاعـم .. وحــكـايـتـك هـيّ إيــه
قـالـلـي أنـا الـتـاريـخ .. تـاريـخ حــيـاة الـكـون
مـرّت عـلـيّ ســنـيـن .. بـدل الـســنـة مـلـيـون
قـلـبـي وكـيـانـي فــاض .. مــلـيـان جـــراح وآلام
كـتـبـوا فـ دفـاتـري كـلام .. يـامـا كـتـيـر أوهـام
أحـاســيـســي ومـشــاعـري .. مـلـيــانـة بـالأوجــاع
أوجــــاع تــدوب مــنـهــــا .. عـضــامـي والأضـلاع
حـاســس بـإنـّي أكـيــد .. هـفـضــل كـتـيـر مـوجـوع
مـن كـتـر حـزنـي وهـمّـي .. الـقـلـب صـار مـخـلوع
قـلـت : قــول يـا جــــــــــدي .. لــيــه وإيــه الـســـــبـب
قـالـلـي : حـكـايـتـي يـا بـنـي .. حـكـايـة لـيـهـا الـعـجـب
طـول عـمــري وأنـا بـعـانـي .. مـن ســطـوة الـحـكـام
فـارضـيـن عـلـيّ آراءهـم .. بـالـغــصـب والإحـكـــام
مـانـعـيـنـي مـن حــقــي .. أشــهــد وأقــول الـحــق
فـي يـوم حـاولـت أهـرب .. نـادوا وقـالـوا : الـحـق
امـسـك سـجـيـن هـربـان .. عـاوز يـســيـب حـبـســه
خــايـن عــمـيـل غـــدّار .. ســـاجـنـيـنـه مـن خــبـثـه

قـلـت : يـا نـاس حـرام .. كـفـايـة بـلاش تـشـويـه
حـكـام ظــُـلاّم دكـاتـره .. فـي الـكـدب والـتـمـويـه
قـالـوا : نـسـيـبـك تـخـرج .. بـرّه تـعـيـش فـي أمـان
بـشــرط تـســمـع كـــلامـنـا .. زي مـا كـنـت زمــان
قــال : زمــان كـدبـت .. مـن خـوفـي م الـتـعـــذيـب
مـن كـتـر خـوفـي جـعـلـت .. عـدو مـصـر حــبـيـب
مـن خـوفـي كـنـت بـقــول .. ع الـعـمـلا : دول أبـطـال
والـشـــرفـا قـلـت عـلـيـهـم .. دول مـشـــيـهـم بـطـّـال
فـي يـولـيـو قـامـت ثـورة .. أصـحـابـهـا صـاروا أحـــرار
فـي شـــرع الـمـلــك قـبـلـهــا .. كـانـوا جــنـود أشـــــرار
دخـلـوا الـتـاريـخ كـُـلـّـهــم .. مـن أوســــع الأبــواب
كـتـب الـتـاريـخ عـنـّـهــم .. مـلـيـون كـتـاب وكـتـاب
الـثـورة لـو فـشــلـت .. كـانـوا صـاروا م الـخـــايـنـيـن
كـانـت بـقــت أشــلاؤهـم .. فـي الـحــبـس والـزنـازيـن
كـانـت الـكـلاب نـهـشــت .. فـي الـســجـن أجـســادهـم

وبـيـــوتـهــــم اتـهـــدمــت .. واتـشـــــــردوا ولادهـــم
كـانـوا قـالـوا : دول عـمـلا .. بـاعــوا الـبـلـد بـرخـيـص
لـكـن الـمــلــك هــوّه .. عـلـى مـصـر قـلـبـه حــريــص
قــال الـتـاريـخ لـيـهــم .. قـولـولـي إيـه عـاوزيـن
قـالـوا : كـده افـهـمـنـا .. واعـقـل يـا نـور الـعـيـن
اســمـع كـلامـنـا يـا زيـن.. زي مـا كـنـت زمــان
نـفـّـذ كـلامـنـا تـمــام .. تـكـســب رضـانـا كـمـان
عــيـال عـاوزيـن يـثــوروا .. ع الـســادة والـحــاكـم
شـــرطـيـنـا راح يـقـهـــر .. والـقــاضـي هـيـحــاكـم

إعـلامـنـا مـالـكـيـنـه .. واخــد نـيـشــان وورود
إعــلام بــلاد بـــرّه .. هـنـبـنـي فــوقــه ســـدود
أنــس الـفـقــي يـؤمــر .. ومـطـالـبـه تـتـحـقــق
والـعــــــادلـي يـقـتـلـهـم .. وقـضـايـا تـتـلـفـــق
هـنـقــول عـلـيـهـم عـمــلا .. لأمـريـكـا ولإيـران
هـنـقــول عـلـيـهـم كـفــرة .. لا ديـن ولا إيـمـان
هـنـقــول : دول قــابـضـيـن .. كــتــيــر وبـالــدولار
هـُـمّ الـلـي حـرقــوا الـبـلـد .. بـالـجـاز وبـالـســولار
عـاوزيـن تـضـيـع الـبـلـد .. والـفـوضـى فـيـهــا تـســود
لـكـن إحـنـا صـايـنـيـنـهــا .. م الـفـوضـى لـيـنـا عـقـود
بـالـحــــق حـــاكــمـيـنـهـــا .. والـعــــدل والإنـصــــــاف
وفـلـوســهــا شــايـلـيـنـهــا .. خـايـفـيـن مـن الإســراف
شــركـاتـهــا بـايـعـيـنـهــا .. لـجــل الـخــســارة تـقــل
والـقـمــح خـاربـيـنـه .. ده حـصــــاده صـعـــب يـعــل
والـســعــر رافـعــيـنـه .. مـخــصـوص لـصـالـح الـنـاس
يـمـكــن حــروب تـيـجـــي .. هـنـلاقــي فـيــن أنــانــاس
صـرخ الـتـاريـخ فـيـهــم .. يـا نــاس كــفـايـة حـــرام
مـلـيـتـوا عــقــــول الـنـاس .. بـالـكـــدب والأوهــــام
إزاي وهـــــل مـمـكــن .. ذئــــاب تـصــون الـغـــنـم
حـاكـم عـاوز شــعـبـه .. ســاجـديـنـلـه زي الـصـنـم
كـلامـه صـح الـصـح .. مـا فـيـه يـوم خـطـأ عـــارض
قـــــراره حـكـيـم رشــيـد .. فــلا داعــي لـمـعــــارض
يـا شــعــوب يـا غــلـبـانـة .. مـكـتـوب عـلـيـكـي الـصـبـر
عــــدمــانــة صــدمــانــة .. حـــتـى تــروحـــي الـقـــبـــر

اصـحــى يـا شــعــب وفـوق .. قـول : لأه لـلـظــالــم
يـمـكــن فـي يــوم تـنـجـــح .. ربــــك هـــو الـعـــالــم
حــاول كــتـيـر حــاول .. مــرّة كـمـان مــلايـيـن

ربــك هـــو الـنـاصـر .. ربــك قــــادر ومـعـــيـن

رد الـظــالـم قـاطـعــه .. جــرى إيـه بـقـى يـا تـاريـخ
هـتـقـــول كــلامـي عـلـيـهـم .. ولا أجـيـب الـســـيـخ
ســجــنـي جــاهـز دايـمـًا .. كــهــربـتـي والـكــربــاج
والـنـفــي آه مـمـكــن .. لـتـشـــاد وســاحــل الـعـــاج
والـفـلـكــة والـشــومــة .. وكــلابـي ســعــرانـة
ونـيـابـهــا مـســنـونـة .. مـن شــهــر جــعّــانـة
هــرب الـتـاريـخ بـســرعــة .. وجَــرْي ع الـتـحــريـر
قـعــد فـي وســط الـنــاس .. حــزيـن وهــمّــه كـبـيـر
قـابـلـنـي قـالـلـي حـكـايـتـه .. ســــألـنـي إيــه الـحـــل
أقـف فـي وســط الـنــاس .. أهـتـف وأقــول : ارحــل
ولا أنـفــذ أوامــره .. عــلـشــان أعــيـش فـي أمــان
بـس أصـلـي أنـا خـايـف .. أقـضـي حـيـاتـي نـدمـان
قـلـت : الـضـمـيـر قــاضـي .. عــادل وحـكـمـه ســلـيـم
قـال الـضـمـيـر حـكـمـه .. ده شــبـاب أصـيـل وعـظـيـم
وقــف الـتـاريـخ وقـال .. وهـتـف مـع الـمـلايـيـن
ارحــل وســيـب الـبـلــد .. تـحــيـا لـيـوم الـديــن
ارحــل وخــد فـي إيـديــك .. شــلـة ذئــاب أشــــرار
ارحــل وســيـب الـشــعــب .. يـحــيـا حـيـاة أحـرار

قصيدة الحريه اهداء الى شهداء ثورة 25 يناير
الى من دفع روحه من اجل الحريه من اجل حياة وكرامة المصريين

رساله الى شعب مصر
الى شباب مصر الابيه
الى الشباب الى بيكره الغدر وبيعشق الحريه
الى بيضحو بارواحهم علشان عيشه هنيه
وارجع من تانى واقول دى عالم قويه
من فجر التاريخ وهما سلاحهم الحريه
درعهم الكرامه والعداله الانسانيه
مينا وحد القطرين بعزيمه قويه

وجيشنا حرر سينا من الصهاينه المعتديه
وشبابنا قامو بثوره كلها حيويه
منهم دفعو حياتهم علشان العداله الاجتماعيه
ثورتنا كان شعارها سلميه
هدفها الكرامه والحريه
انقض علينا كلاب الداخليه
قتلو فينا معنى الانسانيه
صوبوا رصاصهم فى اجساد طاهره نقيه
مات الورد الى اتفتح فى ارض الكنانه مصر الغاليه عليه

وفجاه جالنا ذئاب بشريه
عايزه تخطف ثورة شباب الحريه
عايزين يقولو احنا الى عملنا الثوره ديه
اخوان مسلمين واحزاب سياسيه

كلهم طمعانين فى ثورة الانسانيه

عملوا مفاوضات مع ناس فاقده الشرعيه
ملكم ومالنا يا ناس يا عوطليه

مقلناش عايزين مفاوضات ولا وعود من شوية حرميه
مطالبنا هى هى يمشى الريس ونعيش حياه كلها حيويه
عيش حريه كرامه انسانيه
طلعنا كلنا فى الشوارع العموميه وحتى كمان الجانبيه
قلنا لا للظلم والفساد والحرميه
ريس وبرلمان وحاشيه كلهم فاقدين الشرعيه
حججهم كترت شويه دستور وشويه كرامة العسكريه
كلها حجج قديمه يا افنديه
قالو هنصلح كل حاجه ونحاكم الحرميه
ست شهور وهسيب الحكم للاراده الشعبيه
عايز قبل ما اطلع اصلح بلدنا وارجعها قويه
العب غيرها بقالك سنين بتقول عايزيناها ديمقراطيه
بس للاسف فهمتها غلط واتكتبت دكتاتوريه
حاكمها شوية حراميه خربوها وقالو احنا رهن طوع الاراده الشعبيه
وارجع واقول مصر دى غاليه عليه
وان كانت هانت عليكم عمرها ما هتهون عليه
 

ايادي مصرية سمرا ليها في التمييز

الشاعر المصرى الكبير عبد الرحمن الابنودى

ايادي مصرية سمرا ليها في التمييز

ممددة وسط الزئير بتكسر البراويز

سطوع لصوت الجموع شوف مصر تحت الشمس

آن الآوان ترحلي يا دولة العواجيز

عواجيز شداد مسعورين اكلوا بلدنا اكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلني قتلي ما هيعيد دولتك تاني

بكتب بدمي حياة تانية لأوطاني

دمي دة ولا الربيع الاتنين بلون اخضر

وببتسم من سعادتي ولا احزاني

تحاولوا ما تحاولوا ما تشوفوا وطن غيره

سلبتوا دم الوطن وبشيمته من خيره

احلامنا بكرانا اصغر ضحكة علي شفة

شفتوتش الصياد يا خلق بيقتلوا طيروا

السوس بينخر وسارح تحت اشرافك

فرحان بيهم كنت وشايلهم علي كتافك

واما اهالينا من زرعوا وبنوا وصنعوا

كانوا مداس ليك ولولادك واحلافك

ويا مصر يا مصر آن العليل رجعتله انفاسه

وباس جبين للوطن ما للوطن داسه

من قبل موته بيوم صحوه اولاده

ان كان سبب علته محبته لناسه

الثورة فيضان قديم

محبوس مشافوش زول

الثورة لو جد متبانش في كلام او قول

تحلب وتعجن في سرية تفور في القلب وتنغزل فتلة فتلة في ضمير النول

متخافش علي مصر يابا مصر محروسة حتي من التهمة دي اللي فينا مدسوسة

ولو انت ابوها بصحيح وخايف عليها اي تركتها ليه بدن بتنخره السوسة

وبيسرقوكي يا الوطن قدامنا عيني عينك

ينده بقوة الوطن ويقلي قوم

فينك ضحكت علينا الكتب بعدت بينا عنك

لولا ولادنا اللي قاموا يسددوا دينك

لكن خلاص يا وطن

صحيت جموع الخلق قبضوا علي الشمس بايديهم

وقالوا لا من المستحيل يفرطوا عقد الوطن تاني

و الكدب تاني محال يلبس قناع الحق

بكل حب الحياة خوط في دم اخوك

قول انت مين للي باعوا حلمنا وباعوك واهانوك

وذلوك ولعبوا قمار باحلامك

نيران هتافك تحرر صحبك الممسوك

يرجعلها صوتها مصر تعود ملامحها تاخد مكانها القديم

والكون يصالحها عشرات السنين تسكونوا بالكدب في عروقنا

والدنيا متقدمة ومصر مطرحها

كتبتوا اول سطور في صفحة ثورة

وهما علما و خبرة مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكرة

صباح حقيقي ودرس جديد اوي في الرفض

اتاري للشمس صوت واتاري للارض نبض

تاني معاكم رجعنا نحب كلمة مصر

تاني معاكم رجعنا نحب ضحكة بعض

مين كان يقول ابننا يطلع من النفق

دي صرخة ولا غني ودة دم ولا شفق

اتاريها حاجة بسيطة الثورة يا اخوانا

مين اللي شافها كدة مين اول اللي بدأ

مش دول شاببنا اللي قالوا كرهوا اوطانهم

ولبسنا توب الحداد وبعدنا اوي عنهم

هما اللي قاموا النهاردة يشعلوا الثورة

ويصنفوا الخلق مين عنهم ومين خانهم

يادي الميدان اللي حضن الذكري وسهرها

يادي الميدان اللي فتن الخلق وسحرها

يادي الميدان اللي غاب اسمه كتير عنه وصبرها

ما بين عباد عاشقة و عباد كارهة

شباب كان الميدان اهله وعنوانه

ولا في الميدان نسكافيه ولا كابتشينو

خدوده عرفوا جمال النوم علي الأسفلت

والموت عارفهم اوي وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتني يا الميدان بزمان وسحر زمان

فكرتني بأغلي ايام في زمن ناصر

شايل حياتك علي كفك صغير السن

ليل بعد يوم المعاناة وانت مش بتأن

جمل المحامل وانت غاضض

بتعجب امتي عرفت النضال

اسمحلي حاجة تجن

اتاريك جميل يا وطن مازلت و هتبقي

زال الضباب وانفجرت باعلي صوت

لا حركتنا نبتسم ودفعت انت الحساب

وبنبتسم بس بسمة طالعة بمشقة

فينك يا صبح الكرامة لما البشر هانوا

وأهل مصر الأصيلة اتخانوا واتهانوا

بنشتري العزة تاني والتمن غالي

فتح الوطن للجميع قلبوا و احضانوا

الثورة غيض الامل وغنوة الثوار

الليل اذا خانه لونه يتقلب لنهار

ضج الضجيج بالندا اصحي يا فجر الناس

فينك يا صوت الغلابة وضحكة الانفار

وأحنا وراهم أساتذة خايبة

تتعلم ازاي نحب الوطن وامتي نتكلم

لما طال الصدي قلبنا ويأسنا من فتحه

قلب الوطن قبلكم كان خاوي ومضلم

أولنا في لسة الجولة ورا جولة

دة سوس بينخر يا ابويا في جسد دولة

ايوة الملك صار كتابة انما ابدا

لو غفلت عينا لحظة يقلبوا العملة

لكن خوفي مازال جوة الفؤاد يكبش

الخوف اللي ساكن شقوق القلب ومعشش

واللي مش راح يسيبه ولسة هيبقوا

وهيلاقولهم سكك وببان ما تتردش

وحاسبوا اوي من الديابة اللي في وسطيكم

وحاسبوا اوي من الديابة اللي في وسطيكم

والا تبقي الخيانة منك وفيكم

الضحك علي البق بس الرك علي النيات

فيهم عدوين اشد من اللي حواليكم

كلمات قصيدة عمرو قطامش عن ثورة 25 يناير

قالوا عنى شاب سيس لا أعرف غير التهييس ,,
وثقافة عمرى تتلخص فى شات الياهو والفيس ,,
بنطالى يسقط عن وسطى شبرين كـ شاب خنفيس ,,
وأقول الـ Hey وأتبعها بالـ Thanks أو Man أو Peace ,,
وأتفتف فى شعرى جلاً او بالتوكة والدبابيس ,,
اتقبل منك السب وأقبل قولك انى سيس ,,
فبـ صرخة شاب سيس ,,
سقط نظااااامـ ورئيس !

ومحطة إعلام الـ كاكى رخصتهمـ كانت ملاكى ,,
قبل الثورة اخترناه وبايعناه .. بعد الثورة غنوا لولاكى ,,
يوماً قلبت التلفاز لمحطة اعلام الكاكى ,,
لأتابع اخبار الثورة بعد ان افتعلت ارباكى ,,
قالت مذيعة بلهجة سريعة ,,
معنا مسئول كبير ليناقش امر التحرير ,,
أوجدنا حلاً لنقلل عدد المحتشدين على الميدان ,,
قطع الماء وقطع النور وقطع الفول .. مع إلغاء النت وشبكات المحمول ,,
ولنقضى على المليونية .. اوجدنا حلاً وبسرعة ,,
وبدون نقاش وجدال .. قد الغينا يوم الجمعة ,,
كى نهدأ برهه وننام .. خلى الأسبوع ست أيام ,,

ولأثبت للعالم إنى اهتم بدينى للأبدى ,,
فـ صلاة الجمعة يا ولدى كمؤازرة سنصليها مع اخوتنا يوم الاحد ,,

ميرسى .. ميرسى يا فندم ,,
معنا شاب شرير .. من ميدان التحرير ,,

يا ناس انام على الأرض .. والجسم من البرد يكاكى ,,
والمعدة صارت خاوية .. كالصحراء بلا أشواك ,,
لا تشكو من هضم حتى .. من اسهال او امساك ,,
والإعلام يقول بأنا نلهط وجبات الكنتاكى ,,

يا مصر انا لم يأخذنى للثورة حبك ألاكى ,,
يا مصر انا لم يأخذنى للثورة حبك ألاكــ !!

عذراً إنقطع الإرسال ,,
جائتنا إنباء مهمة ,,
حذروا فزروا ؟!!!
صــــــــــح ,,
نــجــحــت الـثـووورة ,,
نجحت ثورتنا يا عاالمـ ,,
نــجــحــت ثـووورتـنـا ,,

ماذا ستقول يا فندم ؟!!
مبروك للشعب ولينا .. فاليوم فهمنا الحرية ,,
مبروك لشباب ناضل .. من أجل الديمقراطية ,,
كنا دوماً معهمـ فيها .. والله الأدرى بالنية عذراً

لحظات ونواصل .. بعد فواصل إعلانيه ,,

لو شاكك او عندك خوووف .. قلقان من ضربة مولتوف ,,
لو خايف من غزة مطواة .. هتجليك منهم على سهوة ,,
لو عايز تتحلى بصحة .. لا تخاف على صوتك من ضحى ,,
ولا تهرب من اى مناورة .. خد لك بق عصير الثورة ,,

عصير الثورة .. الشــعــب يــريــد طــعــمـ الــبــرتــقــال ,, يا معشر تجار الثورة .. لم يبقى مكان لغبى ,, احترموا ثورتنا كانت .. تشبه معجزة لنبى ,, احترموا الثورة واحترموا .. شهداء الوطن العربى

كتب السيناريست والشاعر "مدحت العدل" قصيدة، أشاد فيها بشباب ثورة 25 يناير.

الله حي شعبنا حي       وسع سكة لبكرة الجاي

ورد شبابنا المصري البلدي

ولا فيه شبهه ولا له زي

قالوا شباب قاعدين في كافيه

عفاريت طلعوا ولاد الإيه

عارفين امتى وفين مع ليه

شايفين كل طريق للضي

من دمهم الغالي اتوضى

وطن الخوف والموت والردة

طلع الصبح وصلى وعدا

من ليل أمس لأجمل ضي

ياه على وطن اتهان وإتباع

ياه على شعب اتعرى وجاع

سمسروا حتى في الاوجاع      لحمنا كانوا بياكلوه ني

أيوب نبي علشان كان صابر

شوف المصري النبي والصابر

يطغى عليه الطاغي وقادر

يفضل ثوري ووطني وحي

التحرير كان اسم ميدان

أصبح للثوار عنوان

الشبان قلب الاوطان

هم الفرحة وهم الضي

يوم 25 يناير       هو تاريخ الشعب الثاير

رجعتونا لعزة ناصر

بعد الموت الوطن اهو حي

المولوتوف ورصاص مطاطي

غلبه جبين وضاء ما يطاطي

لبنى بسادة وعبد العاطي  عمره ما سلم ولا قال أي

الله حي شعبنا حي شعبنا حي.

انا في التحرير
شيفاني انا في التحرير ........... سمعاني ياهبة النيل
لابس بدلة وجلبية ......... وقميص وبنطلون باجي
وباجي ماشي وبعربية ........ ومعايا اي فون و300 \3
وعندي لَحْيةَ ومعنديش..... وعلي طول بَصلي وما بصليش
وفاِيدي صليب ومش غريب .... وفايدي الحق ومش هَسِيب
وطول النهار في رصاص ونار
وقنابل مُسِيرة للدموع وعيال صِغار
لا مش صغار اكبر كبار مَخفوش النار
ياخد حقي ياخُش الجنة مَفيهاش اختيار
وأخينا في القصر فاكرها قِلة مش فاهم ال.ُ.َار
وانا اضحي ب 300 شَرِيف ........ عشان تِشيلّي وزارة
ياخي ملعون ابوه احمد نظيف ......... بُكرة نِصيدُه بصناَرة
خلاص روحوا بيتكم شيلنا قانون الطوارئ
قال يعني دلوقتي هو اللي فارق
لا وعديلنا 75 و76 و77 و80 و179
يافرحتي برئِيسك يابلد الغلبَانين
اتقِي شر حليماٌ اذا غضب .... وان مات 300 وردة.... في 80 مليون دهب
هو انت مسمعتيش هتافي ..... دة قالها وانا شايله فوق كتافي
الشعب يريد اسقاط الرئيس ..... سمعتاها والا عامل من خِيتافي
مع ان هتافهٌ مكنش كافي .......... بس احنا طيآبة والقلب ابيض وصافي
اعمل حساب يوم الحساب  ومقابلة الملك التواب
هي ذِهاب ومَفهاش اياب
مش هتحكي والا تُصدِر قرارات ... ما هو عارف كل اللي فات
واللي بايدك مات ........... ماهوَاش رئيس الولاَيات
ارفعي عِينِك في عيني مسامحك ......... وانا جي الليلة عشان اصارحك
انا عاشق ليكي ومش هفارقك ........ وغصب عنه انتي بلدي وانا ابنك
والنيل دة نيلي ........ ماترد يا سدْ
مين مات عشان يبنيك ... ومين 30 سنة بيبليك... ومين يانيل من شيبتك بيحميك
روح ربنا يخليك .. ماهو لسه جيالك عيالي ... ويَاخُدلنا باِلِيك
ويخليني ليك ... ازرع واعمّر بيك وبدمي هحميك ... والله يا نيلي

قصيدة البرلمان   إيهاب صلاح أبوجبل

أهـــل طــمــا .. أحـبـابـي ونـاسـي  

أنــا بـفـكّــر الـلـي نـاســـي

مـن الـنـواب يـامـا بـنـقـاســي

خــدنـا إيــه مـن الـنــواب  

خــدنـا كــل مــرار وعــذاب

كـل وعــودهـم والله ســراب

وعــدوا الـناس في الانـتـخـابـات  

 وبعـد الـنـصـر كـلامـهـم مـات

قـولـلـي راحـت فـيـن الـخـدمـات

اســمعـوني وشـوفـوا كـلامـي  

 سـيـبـك مـن مـحـتـال وحـرامي

يـمـص الـنـاس وعـامـلـلـي عـصـامي

سـيـبـك سـيـبـك مـن كـداب

 يـرشـي الـنـاس بـفـراخ وكـبـاب

ويـخـدم بـس أصـحـاب وأحـبـاب

بـعـد الـمـكـسـب يـخـدم أهـلـه  

 والله الـنـاس يـا شـيـخ يـسـتـاهـلـوا

وثـقـوا فـي الـلـي يـبـيـع أبـو أهـلـه

إوعـاك تـخـتـار واحـد جـاهـــل

 والله يـضـيـع حـقـك بـالـسـاهــل

وسـاعـتـهـا انـت الـلـي هـتـسـتـاهـل

مـش قـصـدي جـهـل قـرايـة وكـتـابـة  

 ده جـهـل خـروف فـي وسـط ديـابـة

يـضـيـّع بـجـهـلـه حـقـوق الـغـلابـة

ومـن الـمـريـخ واحـد يـجـيـنـا  

 عـلـشــان يـبـقـى نـايـب عـلـيـنـا

يـاخـدهـا ويـهـرب مـن بـيـن إيـديـنـا

وواحـد شـغـّـال فـي الـمـمـنـوع

 عـاوز حـصـانـة حـمـايـة ودروع

يـاخـدهـا يـزوغ .. يـدّيـنـا بـالـكـوع

وواحـد هـمّـه يـربـح مــــال

ولا يـهـمّــه حـرام وحــــلال

رشـــوة ويـبـقـى ده عــال الـعــال

وواحـد هـمّـه يـعـيـد أمـجــاد

يـعـيـد أمـجــاد لأبـاء .. أجـداد

ده ربـنـا ســوّى بـيـن الـعـبـــاد

وواحـد كــل أعــمــالـه زيــارة

 جـوازة .. جـنـازة فـي شـارع .. حـارة

ده فـن مـعـامـلـة .. نــفـــــاق وشـطـارة

والـلـي دعـايـتـه ســيـجـارة وكـاس

 ولامـم حـوالـيـه نـاس أنـجـاس

هــو ده يـنـفـع نـايـب يـا نـاس

يـا أخـي اخـتـار واحـد مـخـتـلـف

 اخـتــار الـمـرشــح ( إ. ص. أ )

هـتـمـشـي الـدايـرة زي الألــف

مـرشـح شــاب بـفـكـر جـديـد

 عـزيـمـة فـولاذ .. عـزيـمـة حـديـد

عـقــل وحـكـمـة ورأي ســديـد

الـعـــدل شـعـاره لـكـبـيـر وصـغـيّـر

 بـمـشـيـئـة الله هـيـفـوز ويـغـيّـر

أيـــوه يـغـــيّـر ولا يـتـغـــيّـر

دعـــوة وطــالـعــة مـن كـل قـلـبـي

 انـتـخـب.. شـارك.. مـتـبقـاش سـلـبي

انـتـخـب الـلـي تـعــوزه يـلـبـي

يـلـبـي صـغــيـر .. يـلـبـي كـبـيـر

 يـلـبـي غـنـي .. يـلـبـي فـقـيـر
فـي نـهـار فـي لـيـل .. يـلـبـي يـطـيـر
كـل الـنـاس عـنـده سـواسـيـة

 بـيـاكــل زي الـنـاس طـعــمـيـة
ولا بـيـه ولا بـاشـا ولا من الـحـرامـيـة
مـش مـانعــة الـنـاس عـنـه الأسـوار

 ده بـابـه مـفـتـوح لـصغــار وكـبـار
) إ. ص. أ ) قـــــــوم واخـتــار

أيـــوه اخـتــار اخـتــار اخـتــار

قصيده عن ثورة 25 يناير ( هما كلمتين )

هما كلمتين .. كلمة وكلمة .. مش مهم مين .. لكن اسمع بذمه

دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم ..

يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد ..

باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين

والنيه بصوت .. كان مكبوت .. صرخوا وقالوا ..الطاغى يغور .. والظلم يموت

نظام ينشال .. ورجال اعمال .. حراميه تقال .. اتغدو بلحمى واتعشوا سكوت

قالوا عيال .. طايش مهزوز .. ولما نعوز .. ندوسهم فى الحال

حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

جابوا قوات .. قتلوا وجرحوا .. شباب وبنات .. من كل حي

رصاص مطاطى ورصاص حي .. لايوم هنطاطى ..

والنصر اهو جي

اعلام مشلول .. باعو المقتول ..كلام اوهام ..ولا فى الاحلام

المرئي كفيف والراديو اصم.. مليان تزييف ولا فيش دم

ساعه ايران وساعة اخوان ..والعملا هناك فى كل مكان

وجبات كنتاكى.. والمعزة تكاكى.. وباضت جبنه بيضه قريش

زى ماخالد وبعده بلال.. وباستهبال .. كسروا دماغهم بقرش حشيش

الحاج صابر والخاله سعاد.. بقدرة قادر.. بقوا من الموساد

دمك ياشهيد.. لايوم هايجف .. الشمعه تقيد.. وجروحنا تخف

الشعب اتهان من ده ومن ده .. وعم سليمان يقولك اجنده

احزن عليه ولا احزن على الكبير ..اللى قاعد فوق وحادفنا فى بير

انا حزني وطنى .. وهمى وطنى .. مش حزب وطنى .. اللى سارق وطنى

ارحل بخوفنا وخد معاك جمال.. ولا اكنا شفنا .. خيول او جمال

انا عاوزه يغور .. والكل كذلك .. بالحزب بتاعه ونظامه الهالك

او اقولك ..خليك ..هانحط عليك ..فى ميدان تحرير ..ونحجز مالك

الشعب خلاص.. طلب الخلاص ..فارقنا وارحل وانفد من سؤالك

بلادى مصر حرة ..ماتقولش ارحل ليه؟.. هى حرة.. وحرة بلادي

هاتحافظ على الامين.. مهما فقره كان.. ويسقط اللى خان.. وتطرد الاعادي

قـصـيــدة حـــكـــايـــــة ثـــــــــــورة

اصـحــــــي اصـحـــــي يـا بــلــد * ابـن مــصــــــــر أجــــــدع ولـــد

يــا ظـُــــلاّم بـَــــــــرّه بـَــــــــرّه * مـصــــر بـلـدنــا بـلــد حُــــــــرّه

ثــار الـشــعــب الـمـصـري ثــار * وفـتـح صـدره لـضــرب الـنــــار

رفــع شـــــعــاره بــالــتـغـيــيــر * عــــــاوز حـريـة فـي الـتـعـــبـيـر

عـانـيـنــا الـكـبـت والـطـغـــيـان * وإهــــدار لـحـقــــوق الإنـســــان

رشــوة فـســاد وغــلاء أســعـار * وبـرّه ســيـاســة تـجــيـب الـعــار

ظــلـم الـحـــــاكــم والـتـعـذيـــب * في سـجـون مصر ولا أبوغـريـب

حــرســـه الـقـتـلـة والـسـجّـانـة * عـامـلـيـن زي كـــلاب ســعـرانـة

قـال الـشـعــب : زهـقـت كـفـاية * مـش هـاخــد تـانـي عـلـى قـفـايـا

هـنـثـور هـنـثـور ضـد الـحـاكـم * هـنـصــارع شــــرطـتـه ونــلاكــم

راجـل الـشـرطـة قـهـر الـشـعـب * ونـزل فـيـهـم ســــحــل وضـــرب

ونـشـــر بـيـنهـم ذعــر ورعـــب * خـلـّى الـنــاس فـي هـَــمّ وكـــرب

زاد الـشــرطـي فـي الـطـغــيـان * قــــــتـــل الـصـبـيــة والـفـتــيــان

قــتـلى وجـرحــى واعـتـقـــالات * عِـــدّ وشــوف كــام واحــد مـــات

مــاتـت نـاس وانـصـابـت نــاس * وأدي الـفـاس وقـعـت فـي الـراس

رد الـشـعــب ونـشّـــف راسُــــه * مـش هـنسـيـب تـار اللي انـداســو

حـقـي هـجـيـبه هـجـيـبه بـإيـدي * لـو مــــــات ابـنـي وَيـّـا حـفـيــدي

الـلـي يـمـوت هـيـبـقـى شــهـيـد * ويـومـكـو قـريّـب مـا هــو بـعــيــد

مــش هـــتــراجــع أبــدًا تــانــي * كـام ســــنـة مَــرّت وأنــا بـعــانـي

أنـا الـشـعـب الـمـصـري يـا أمّـة * هـكـســـب هـربـح هـزيـل الـغـُـمّـة

مـكـسـبـي مـش حـكـومـة تـروح * وحـكـومـة تـيجـي تـبـنـي صـروح

ولا مـهــم الـريّــس يـخــضــــــع * يـنـاشــد شـعـبـه وعـيـنـه بـتـدمـع

  مـكـسـبي إنـّي عـرفـت أنـا شـعـب * قـهـره وذلـّه ده صـعــب الـصـعــب

مـكـسـبي إنـّي عـرفـت طـريـقــي * وعـرفـت إنـّي أســـــــد بـحـقـيـقـي

 

  وعـرفـت إنـّي أنـا الـســـــلـطــان * قــهــرت الـظـــلـم والـطـغـــــيـــان

  وإنـّي الـمـــــارد أمـــري بـإيــدي * وإنّ الـحُـكـّــــــام هُــمّ عــبــيـــــدي

   أيـوه عـبـيـدي وكـلمـتـي تمـشـي * واللي مـا يـعـجـبـه يـرحـل يـمـشـي

زأر الـشــعــب كـشـــف أنـيـابــه * خــــاف الـطـاغـي قــفــل أبــوابــه

فــرّ الـشـــرطـي مـن الـمـيـــدان * ظــهـــر وبـــان إنــــه جـــبـــــــان

عـاملين أسـود عـالـشـعـب وبس * وهـُـــمّ أرانــب بــتــاكــــل خـــــس

قـام بـالـواجــب بــس الـشـــعــب * صـان مـتحـفـه من سـرقـة ونهــب

  شــعــبـنـا عـاقــل مـش إرهـابـي * أنا الـمـصـري حـــفـــيـد عـــرابــي
 

 خـلـقــنـي ربــنــا حُـــرّ يـا نــاس * لا أنـــا عــقــــــار ولا أنـــا تــــراث

  مــصـر مـا هِـيّـاش عـزبــة حــد * كــفــايــة حـــرام والـــزم الـحـــــد

   يا جـيـشـنا إنـت جـيـش الـشـعـب * امشـي معـاه فـي طـريـقـه الصعـب

  تـحـيـة عـظـيـمــة لـلـمـصـريـيـن * الـشــعــب وجـيـشــه مـجـتـمـعـيـن

" حكـايــة شـهـيـــد "

خدت الكوفية وقبل مامشي وأودع أمي قولتلها سلام
بصتلي بصة بعينيها قالتلي بيها كل الكلام
قولتلها دي الثورة يا أمي ، وخلاص آن الأوان
يا ضنايا استنى بس ، ثورة ايه! ما بلاش أوهام
استنى! استنى ليه؟! وعشان ايه؟؟
للأسف .. مش دا الوطن اللى انتوا قولتولنا عليه
غش ايه! وظلم ايه! وفساد ايه!!
فين الوطن اللي انتوا قولتولنا عليه ؟؟
عاوزة الوزير مهما يعمل ، نقوله العفو يا بيه!
لكن لو شخض غلبان ، ياخد بالجزمة وميقولش ليه
ميدان التحرير ، لينا كلمة وهنقولها فيه
قالتلي ربنا معاك ، قولتلها مع الحق .. والحق ناويين عليه
ونزلت الميدان أقول كلمتي وكان كل أملي كالآتي
اليوم استرد كرامتي ولو حتى هضحي بحياتي

وخلاص أنا مش ماشي ، وهبات فالميدان يا مبارك
وهفضل أزعق وأقول "قصر جدة فانتظارك"
ولازم صوتي يوصلك ، يوصلك انت ورجالك
مالحرية دي من حقي .. والاستسلام مش من صفاتي
واليوم هسترد كرامتي ولو حتى هضحي بحياتي
وهتفرق ايه ، ما فعهدك الحياة كت هي مماتي
وبرصاصهم قتلوني ، بقى هو ده جزاتي ؟!
بس الحلم اللي جوايا متقتلش ومعرفش معنى السكون
أصله مش حلمي لوحدي ، ده حلم 80 مليون

ولو واحد مات مننا .. ففي القلب دايما هيكون

وبأعلى صوت الكل هينادي "دم الشهيد مش هيهون"

وأخيرا انتصرت ارادتنا ، وبعظمتنا أبهرنا الكون

عرفتوا بقى يعني ايه احنا 80 مليـون !

قصيدة اللحظات الاخيره للشاعره همت مصطفى

دقت الساعات مؤذنة بالرحيل    كل الدقات متعبه
تتهاوى فى جعبة الزمن الذليل    الاوقات متراجعه
والساعات تترنح شاحبه
والثوانى ترتعد هاتفه لالا للمذبحه
صرخت ...ما ترددت    هتفت ما جبنت
لا ولا للمذبحه    ظل صوتى يعلو وسط العاصفه
اصرخ لا لا للمذبحه   دارت عقارب الساعات
تلك التى اصدرت نهاية الدقات   تعلن انذار المذبحه
تبدأ الاحزان فى اعماق الانهار   تصحو الالام
تدمدم   تحطم القاع   تلفظ السكون
ترسل بوحشة ارعبت المكان
فصارت لحظة يستوى فيها الموت والانسان
قيل لى    الصمت آمان
فصمت وصرت مع العميان
وها انا ذا على التراب سائل الدماء
اسائل الصمت    هل اعجبك ما كان؟
رأيت دمى امامك يراق
وانت مغمض عن الكلام
ام صرنا لك محض اوهام
ما عدنا الحلم الفتى الذى كان
أجبنى....ايها الصمت اجبنى
اخرج من سكنك واجبنى
حطم سكونك وأجبنى
واقتص خوفك واجبنى
وانثر بذور الكلام   وازرع الحروف اعلام
ايها الصمت   هل رايت الحكماء
انهم يقرعون كل الابواب
يثرثرون بكلمات الحق والخير والجمال
فهل صار هناك جمال     هل هو جمال؟
 الكل صار مشوه الفكر والاشكال
والحق يأن فلا يعرف العنوان
وجهان للحق فى الميدان
وسقط عن العدل الميزان
اجبنى ايها الصمت هل اعجبك البطلان؟
هاهم الجبناء مازالوا جاثمين
يلجمون جواد الشلال
يغتصبون الكلمة   يسرقون الاحلام
وذبحت الكرامة    والكل شاهد عيان
ارتفعت المقاصل    فارتعدت اوصال الكلمات

وعدت ايها الصمت    تطأطأ براسك

مكبل القيود      مغبر الجبين
فلقد ربيت على الخضوع
منذ نعومة الاظفار
متهم       متهم انت
متهم انت بوئدى
باستباحة حلمى    بسفك غدى
متهم انت    وتاريخك يكتب لمستقبلى
جرم حاضرى
متهم انت      متهم
لا لا تهرب
لا تهرب من كلماتى
من حروفى     لا تهرب
لا تدر لى ظهرك    لا تخبأ دموعك
أنادم؟     أنادم؟      أنادم انت؟
وفى صباح اليوم التالى     ترك الصمت رسالة
كتب فيها اليوم اقطع شرايين ليكون للحق اورده
االيوم اترك الاوطان ليكون للشعوب المقدره
اليوم اكفر عن ذنب سنينى الواهنه
فهبى ايتها الكلمة وارفعى صوتك مجاهره

قصيدة جحا للشاعر هشام الجخ

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ

لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى

وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه

وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق

غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو

الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم

واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف  هاشحت وطن لله